Bu gün “İtkin düşmüş şəxslər probleminin həlli: ailələrin həqiqəti bilmək hüququnun dəstəklənməsi” mövzusunda beynəlxalq konfrans keçirilir.
“BakıBaku” APA-ya istinadən xəbər verir ki, konfransı Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Beynəlxalq Qızıl Xaç Komitəsi birgə keçirir.
Azərbaycan Prezidenti İlham Əliyev Beynəlxalq Konfrans iştirakçılarına müraciət ünvanlayıb. Müraciəti Dövlət Komissiyasının sədri Əli Nağıyev oxuyub.
Tədbirdə dünyada itkin düşmüş şəxslərin probleminə dair qısa film nümayiş etdiriləcək.
