Avqustun 19-da Bakı Regional Məşğulluq filialının dəstəyi ilə Bakı şəhərində əmək yarmarkası keçiriləcək.
Baki-baku.az Dövlət Məşğulluq Agentliyinə istinadla xəbər verir ki, yarmarka Bakı şəhəri, Nəsimi rayonu, Bülbül prospekti 20 (Nizami Kino Mərkəzi) ünvanında saat 11:00-dan 13:00-dək təşkil olunacaq.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
