Bakı metropolitenində qatarların hərəkətində gecikmə baş verib, stansiyalarda sıxlıq yaranıb.

Baki-baku.az xəbər verir ki, “Dərnəgül”-“Həzi Aslanov” istiqamətində hərəkət edən qatarların hərəkət intervallarında gecikmələr olub və nəticədə stansiyada gözləyən sərnişinlərin qatara minməsi çətinləşib. Bu, digər istiqamətlərdə hərəkət edən qatarların da işinə təsir edib.

Yaranmış vəziyyət nəticəsində qatarların hərəkət sürəti aşağı düşüb, tunellərdə fasilə verərək yola davam ediblər.

Sərnişinlərin verdiyi məlumata görə, qatar maşinisti stansiyalararası dayanmada “Hörmətli sərnişinlər, qarşıda qatar var”, – deyə anons edib.

Xanım Aydın