Bakının XX əsrin əvvəllərinə aid nadir görüntüsü yayılıb.

Baki-baku.az xəbər verir ki, şəkildə şəhərin əsas nəqliyyat qovşaqları – Bakı limanı və Tiflis vağzalı əks olunur.

Həmin dövrdə indiki Hökumət Evi və iri mehmanxanaların yerləşdiyi ərazi dəniz suları ilə örtülü idi. Burada neft yükləmə körpüləri, anbarlar və müxtəlif liman tikililəri mövcud olub. Bakı limanı bu illərdə neftin daşınmasında mühüm rol oynayırdı.

Şəkildə diqqət çəkən Tiflis vağzalı isə Bakı–Tiflis dəmir yolunun əsas stansiyası idi. O, yük və sərnişin daşımalarında strateji əhəmiyyət daşıyaraq limanla birlikdə Qafqaza və Qara dənizə neft və digər malların çatdırılmasını təmin edirdi.

Sonrakı illərdə, xüsusilə 1930–1950-ci illərdə aparılan iri tikinti və abadlıq işləri nəticəsində bu ərazi torpaqla doldurularaq geniş meydanlar salındı. Məhz həmin sahədə Hökumət Evi kimi monumental binalar ucaldıldı.