Azərbaycanlı müğənni Jeyleen 60-cı “Montreux Jazz Festival”da (Montrö Caz Festivalı) çıxış edəcək.
Baki-baku.az xəbər verir ki, Jeyleen iyulun 7-də keçiriləcək festivalın yubiley xarakterli 60-cı buraxılışında səhnəyə çıxacaq.
Tədbirin rəsmi saytında artıq çıxışın anonsu yayılıb. Jeyleen alternativ musiqi səhnəsinin yeni dalğasının təcəssümü kimi təqdim olunur.
Qeyd edək ki, 23 yaşlı ifaçı İsveçrədə doğulub böyüyüb. Xaricdə yaşasa da, köklərini unutmayan gənc sənətçi artıq beynəlxalq auditoriyanın diqqətini çəkməyi bacarıb.
Gənc müğənni mahnılarını yazılma mərhələsindən aranjimanına qədər özü hazırlayır.
