Tarixdə ilk dəfə Azərbaycanın “Zəfər” məktəbli peyki orbitə çıxarılıb.

Baki-baku.az xəbər verir ki, bunu Rəqəmsal İnkişaf və Nəqliyyat Nazirliyi yanında Azərbaycan Kosmik Agentliyinin (“Azərkosmos”) nəzdindəki KOSMİK Akademiyanın rəhbəri İmran Muxtarov peykinin orbitə buraxılışına həsr edilmiş media konfransda deyib.

Onun sözlərinə görə, peykin orbitə çıxarılma missiyasını “SpaceX” şirkətinin “Falcon 9” raketi həyata keçirib.

Xatırladaq ki, “PocketQube” tipli adıçəkilən piko-peyk standart olaraq ölçüsü 5x5x5 sm, çəkisi isə təxminən 250 qr olan bu peyklər möhkəm materiallardan (alüminium ərintiləri, karbon kompozitlər) hazırlanır ki, bu da həm mexaniki davamlılığı, həm də istilik idarəetməsini təmin edir.

“PocketQube” peykləri ilk dəfə 2013-cü ilin noyabr ayında orbitə buraxılıb. Bu buraxılış Avstriyaya məxsus “UniSat-5” platforması vasitəsilə həyata keçirilib və layihə çərçivəsində bir neçə minipeyk, o cümlədən “WREN” (Almaniya), “T-LogoQube” (ABŞ) və “QBScout-1” (İtaliya) peykləri orbitə yerləşdirilib. Bu konsepsiya yalnız texnoloji tərəqqinin məhsulu deyil, həm də kosmosun hamıya aid olduğu ideyasının bir növ simvoludur.