Dünyaşöhrətli fotoqraf Rəna Əffəndinin fotosu “National Geographic” jurnalında dərc olunub.
Baki-baku.az xəbər verir ki, bu barədə fotoqraf sosial media hesabında yazıb.“Bu ilin “National Geographic” jurnalının İlin Şəkilləri buraxılışına daxil edilməyimdən qürur duyuram. Mənim Mərakeşin Qızılgül Vadisi haqqında reportajımdan olan fotom – 2024-cü ilin yazında Kelat M’quna şəhərində səhər tezdən qızılgül qönçələrini əllə çeşidləyən qadınları əks etdirir. Bu il çəkilmiş 2.3 milyon şəkil arasından bu məşhur illik buraxılış üçün iyirmi şəkil seçilib”, – deyə Rəna Əffəndi qeyd edib.
