Astanada (Qazaxıstan) 24-26 sentyabr tarixlərində Azərbaycan Mədəniyyəti Günləri keçiriləcək.

“BakıBaku” bu barədə Report.az-a istinadən xəbər verir.

Azərbaycan Mədəniyyəti Günləri çərçivəsində sentyabrın 24-də “Füzuli-530” kitabının təqdimatı və etno-caz konserti keçiriləcək.

Bundan əlavə, sentyabrın 25-də Qazaxıstan və Azərbaycanın milli kitabxanaları arasında memorandum imzalanacaq, həmçinin “Azərbaycan incəsənətinin inciləri” adlı sərginin açılışı və rəqs ansamblının konserti olacaq.

Sentyabrın 26-da Azərbaycanın müasir incəsənəti və Tomris ikonoqrafiyası mövzusunda mühazirələr keçiriləcək.

K.Kuanışbayev adına Milli Musiqili Dram Teatrında keçiriləcək qala-konsert Mədəniyyət Günləri çərçivəsində əsas tədbir olacaq. Konsertdə Azərbaycanın xalq artistləri çıxış edəcəklər.