Azərbaycan dili 🇦🇿 |
Rus dili 🇷🇺

Language Switcher Azərbaycanca 🇦🇿 | Русский 🇷🇺

Nəşr edilmişdir 11/19/2026

Paylaşın

HƏR ŞEYDƏN

Ölümündən sonra məhkəməyə çıxarılan Roma papasının inanılmaz hekayəsi

Təsəvvür edin, Roma papasının məzarı açılır, cəsədi qəbirdən çıxarılaraq xüsusi geyimdə məhkəmə zalına gətirilir. Onu taxtda əyləşdirir, qarşısında ittihamlar səsləndirir, hətta müdafiəsi üçün bir keşiş də təyin edirlər. Ən qəribəsi isə budur ki, mühakimə olunan şəxs artıq doqquz aya yaxındır həyatda yoxdur.

İnanılmaz görünsə də, bu hadisə 897-ci ildə Romada həqiqətən baş verib.

Baki-baku.az xəbər verir ki, tarixə “Cəsəd sinodu” adı ilə düşən bu məhkəmə prosesinin əsas iştirakçısı Papa Formoz olub. Onun ölümündən sonra hakimiyyətə gələn VI Stefan keçmiş papanın məzarının açılmasını və cəsədinin kilsə məhkəməsi qarşısına çıxarılmasını əmr edib.

Bəs Roma papasını ölümündən sonra da rahat buraxmayan nə idi? Onu hansı günahlarda ittiham edirdilər?

Baş verən bu hadisə dini qaydalardan daha çox siyasi mübarizə ilə bağlı idi. Formoz sağlığında müəyyən hökmdarları dəstəkləmiş, bununla da özünə güclü düşmənlər qazanmışdı. Onun ölümündən sonra hakimiyyətə gələn rəqibləri isə papanın verdiyi qərarları ləğv etdirmək istəyirdilər.

Məhkəmənin nəticəsi əvvəlcədən bəlli idi. Formoz günahkar elan edildi, papa olduğu dövrdə verdiyi qərarlar etibarsız sayıldı. Cəsədinin üzərindən dini geyimlər çıxarıldı, xeyir-dua vermək üçün istifadə etdiyi sağ əlinin üç barmağı kəsildi. Daha sonra cəsədi Tibr çayına atıldı.

Hadisə isə bununla bitmədi. Məhkəməni təşkil edən VI Stefan bir neçə ay sonra hakimiyyətdən uzaqlaşdırıldı və həbsxanada boğularaq öldürüldü. Formozun cəsədi isə sonradan tapılaraq yenidən hörmətlə dəfn edildi. Ona qarşı çıxarılan hökm də ləğv olundu.

Tarixdə bu hadisə “Cəsəd sinodu” adı ilə tanınır. Təxminən 1130 il əvvəl baş verən bu məhkəmə bir həqiqəti göstərir: Orta əsrlərdə siyasi rəqabət bəzən o həddə çatırdı ki, insanlar hətta ölüləri də rahat buraxmırdılar.

Hacı Cavadov

Bənzər Xəbərlər

Tərcüməçi-müxbir

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Azərbaycan Prezidenti İlham Əliyev Omanın Sultanı Heytəm bin Tariq Al Səidə təbrik məktubu göndərib.

Ən son

HƏR ŞEYDƏN

Baki-baku.az xəbər verir ki, tarixə “Cəsəd sinodu” adı ilə düşən bu məhkəmə prosesinin əsas iştirakçısı

HƏR ŞEYDƏN

Baki-baku.az xəbər verir ki, tarixə “Cəsəd sinodu” adı ilə düşən bu məhkəmə prosesinin əsas iştirakçısı
Generic selectors
Exact matches only
Search in title
Search in content
Post Type Selectors
Facebook
X (Twitter)
LinkedIn
Email

Пришлите нам статью

Məqalənizi göndərin