Azərbaycan Dəmir Yolları “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair Dövlət Proqramı”nda dəmiryol infrastrukturu üzrə nəzərdə tutulan işlərin icrasını davam etdirir.
Bu barədə Baki-baku.az-ın sorğusuna cavab olaraq “Azərbaycan Dəmir Yolları” QSC-dən məlumat verilib.
Bildirilib ki, Dövlət Proqramında Bakıətrafı ərazilərdə dəmiryol nəqliyyatı infrastrukturunun təkmilləşdirilməsi məqsədilə Bakıxanov–Binə–Qala, Zabrat–Maştağa–Bağlar və Qaradağ–Güzdək dəmir yolu xətləri ilə yanaşı, Yeni Suraxanı–Hövsan xəttinin bərpası nəzərdə tutulur.
Diqqətə çatırıdılıb ki, qeyd olunan dəmiryol xətləri üzrə yol infrastrukturunun təhlili aparılıb, yol layihəsi ilə bağlı işlər tamamlanıb, bu xətlər boyunca stansiyalar üzrə optimallaşdırma işləri aparılıb. Yeni Suraxanı–Hövsan xətti üzrə hərəkətin təhlükəsizliyi üçün çəpərləmə işlərinə başlanılıb.
