Bakının Nəsimi rayonunda, Xaqani küçəsi 9 ünvanında, Azərbaycan Dövlət Akademik Rus Dram Teatrının binasının yaxınlığında yerləşən və memarlıq abidəsi olan binada yeni incəsənət muzeyi inşa edilir.
Baki-baku.az xəbər verir ki, Azərbaycan Mədəniyyət Nazirliyinin balansında olan muzeyin 2027-ci ilin sonunda istifadəyə verilməsi planlaşdırılır.
Hazırda binanın bütün daxili örtükləri sökülüb, yalnız fasad hissəsi saxlanılıb. Görünür, eksponatların yerləşdirilməsinin rahatlığı üçün binanın daxili məkanı yenidən təşkil olunacaq.
Qeyd edək ki, əvvəllər bu binada İraqın Azərbaycandakı səfirliyi yerləşib.