Seyid İmadəddin Nəsiminin mənəvi əzəmətini, irsini, humanist prinsiplərini, əyilməz iradəsini özündə ehtiva edən “Nəsimi” operasının premyerası bu gün axşam Heydər Əliyev adına Respublika Sarayında baş tutacaq. Operanın bəstəkarı xalq artisti, professor Səyavuş Kərimi, libretto müəllifi millət vəkili, akademik Rafael Hüseynov, baş rolun ifaçısı Gəncə Dövlət Filarmoniyasının direktoru, əməkdar artist Ramil Qasımovdur.
