Bakıda keçirilən “IRONMAN 70.3” triatlon yarışında ilk finişə çatan idmançı müəyyənləşib.

Baki-baku.az xəbər verir ki, finiş xəttini ilk olaraq xorvatiyalı triatlonçu Matej Jukiç keçib.

O, 113 kilometrlik məsafəni 4 saat 1 dəqiqə 20 saniyəyə qət edərək yarışın qalibi olub.

Qeyd edək ki, “IRONMAN 70.3 Baku” yarışında 62 ölkədən 1 500-dən çox triatlonçu iştirak edir. İdmançılar 1.9 kilometr üzgüçülük, 90 kilometr velosiped və 21.1 kilometr qaçış mərhələlərində mübarizə aparırlar.