Minatəmizləmə yalnız insan həyatının qorunmasına xidmət edən humanitar fəaliyyət deyil, eyni zamanda bərpa və yenidənqurma işlərinin əsas təməllərindən biridir.

Baki-baku.az xəbər verir ki, bu fikirləri Vüqar Süleymanov Bakıda keçirilən World Urban Forum 13 çərçivəsində Azərbaycan Pavilyonunda təşkil olunan “Münaqişədənsonrakı şəhərlərdə yenidənqurma: Humanitar minatəmizləmə fəaliyyətinin kritik rolu” mövzusunda tədbirdə çıxışı zamanı səsləndirib.

ANAMA rəhbəri bildirib ki, minatəmizləmə fəaliyyəti yaşayış məntəqələrinin yenidən qurulması, infrastrukturun bərpası, kənd təsərrüfatının inkişafı, nəqliyyat şəbəkələrinin genişləndirilməsi və iqtisadi aktivliyin canlandırılması üçün vacib zəmin yaradır.

O vurğulayıb ki, ANAMA tərəfindən həyata keçirilən fəaliyyətlər “Böyük Qayıdış” Proqramı çərçivəsində şəhərsalma, yenidənqurma və inkişaf proseslərinə tam şəkildə inteqrasiya olunub.