Böhranların insan amili və ya təbii fəlakətlər nəticəsində yaranmasından asılı olmayaraq, hər bir vəziyyət özünəməxsus xüsusiyyətlərə malikdir. Lakin nəticə etibarilə ən çox zərər görən tərəf insanlar olur.

Baki-baku.az xəbər verir ki, bu fikirləri xarici işlər nazirinin müavini Yalçın Rəfiyev World Urban Forum 13 çərçivəsində keçirilən “Böhrandan sonra mənzil bərpa və yenidənqurma işlərinin mərkəzindədir” adlı tədbirdə çıxışı zamanı səsləndirib.

O bildirib ki, böhranların aradan qaldırılması ilə bağlı bütün həll mexanizmləri insan mərkəzli yanaşma üzərində qurulmalı və insanların ləyaqətli həyat şəraitində yaşaması üçün zəruri mühitin yaradılmasını nəzərə almalıdır.