Bu gün dünyada şəhərləşmə təbiəti “udmağa” başlayıb.

Baki-baku.az xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən “İqlim-mənzil əlaqəsi bərabərsizliyi və ya yerdəyişməni dərinləşdirmədən iqlimə davamlı mənzilləri genişləndirə bilərikmi?” mövzusunda sessiyada deyib.

Onun sözlərinə görə, şəhərləşmə ətraf mühiti və kənd təsərrüfatı potensialını məhv edir:

“Bu isə ərzaq təhlükəsizliyimizi və Yer üzərindəki həyatımızı təhdid edir. Bu gün gördüyümüz bir çox iqlim hadisələri plansız şəhərləşmənin nəticəsidir. İnsanların və təbiətin ehtiyaclarını nəzərə almayan şəhərləşmə bizi bu nöqtəyə gətirib çıxarıb. Ona görə də həm mövcud imkan və problemlərə baxmalı, onları düzəltməli, həm də gələcəyi planlaşdırmalıyıq. Məhdud resurs olan torpağın düzgün planlaşdırılması həyati əhəmiyyət daşıyır”.