BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində “Əlilliyi olan Şəxslərin Müstəqil Həyat Mərkəzi” İctimai Birliyi tərəfindən “Əlilliyi olan insanlar üçün inklüziv şəhərlər və müstəqil həyat” mövzusunda beynəlxalq təlim keçirilir.
Baki-baku.az xəbər verir ki, tədbirin əsas məqsədi əlilliyi olan şəxslərin müstəqil yaşamasını dəstəkləyən inklüziv şəhərlərin qurulmasının həm praktiki olaraq, həm də siyasət səviyyəsində vacibliyini diqqətə çatdırmaqdır. Təlim çərçivəsində iştirakçılar şəhərsalmanın, sosial siyasətin, ictimai xidmətlərin və icma əsaslı dəstək mexanizmlərinin əlilliyi olan şəxslərin gündəlik həyatına necə təsir göstərdiyini müzakirə edəcəklər.
