2002-ci ildə ilk Ümumdünya Şəhərsalma Forumunu Nayrobidə, Keniyada keçirildi. Keçən ay Afrika Şəhərsalma Forumunu yenidən Nayrobidə təşkil etdik. Bu gün isə biz 13-cü Ümumdünya Şəhərsalma Forumunda Bakıda, bu möhtəşəm ölkədəyik. Mən fürsətdən istifadə edərək, Prezident İlham Əliyevə bizə göstərdiyi qonaqpərvərliyə görə təşəkkür edirəm.

Baki-baku.az xəbər verir ki, bu sözləri WUF13-un Liderlər Sammitində Keniyanın Prezidenti Uillyam Samoei Ruto deyib.

Keniya Prezidenti bildirib ki, bu, həqiqətən də çox nəticəyönümlü bir tədbirdir. Çünki mənzil məsələsi demək olar ki, hər bir ölkədə mövcuddur.

O qeyd edib ki, Birləşmiş Millətlər Təşkilatının öz mövcudluğunu davam etdirməsi üçün islahatların aparılması və anomaliyaların aradan qaldırılması mütləqdir. Ədalətin bərqərar olması zəruridir. BMT və konkret olaraq BMT-nin Təhlükəsizlik Şurasında reprezentativlik, təmsilçilik, demokratiya, Afrika qitəsinin hüquqları da təmin edilsin. Məhz bu şəkildə biz mövcud problemləri həll, daha yaxşı gələcəyi müəyyən edə bilərik. Bakıda bizə gələcəyin şəhərlərini dəyişmək, onları hər kəs üçün yaşamağa uyğun, dayanıqlı və dözümlü etmək üçün müzakirələr aparmaq imkanı yaraılıb.