Biz bu qlobal platformada dayanıqlı şəhərsalma məsələlərinin müzakirəsi üçün əlverişli imkan yaratdığına görə Azərbaycan rəhbərliyinə minnətdarıq.

Baki-baku.az xəbər verir ki, bu fikirləri BMT-nin Ümumdünya Şəhərsalma Forumunun 13-cü Sessiyasının (WUF13) rəsmi açılışı ilə bağlı mətbuat konfransında BMT-nin Məskunlaşma Proqramının (UN-Habitat) icraçı direktoru Anaklaudia Rossbax səsləndirib.

O əlavə edib ki, mövcud çağırışlar daha sürətli, daha koordinasiyalı və daha inklüziv fəaliyyət tələb edir. “Biz Bakıda, Azərbaycan hökumətinin ev sahibliyi etdiyi WUF13 çərçivəsində toplaşmışıq. Hazırda elə bir dövrdə yaşayırıq ki, dünya həm dəyişikliklərdən keçir, həm müxtəlif böhranlarla üz-üzədir, həm də yeni və mühüm imkanlar yaranır”, – deyə o bildirib.