Bakı şəhəri, Binəqədi rayonu, 6-cı mikrorayon adlanan ərazidə yerləşən “Pitomnik” kimi tanınan park vətəndaş tərəfindən zəbt edilib.

Baki-baku.az xəbər verir ki, ərazinin bir hissəsi hasara alınıb. Burada aktiv şəkildə kabab bişirilir və tüstü ətrafa yayılır.

Məlumata görə, ərazi kababxana kimi istifadəyə verilib. Məkan müştərilərə çatdırılma xidməti əsasında fəaliyyət göstərir.

Yerli sakinlər ərazidən ətrafa yayılan qoxu və tüstü ilə bağlı narazılıqlarını bildirir, bu səbəbdən sözügedən parkın bir hissəsinin gəzinti üçün uyğun olmadığını dilə gətirirlər.