Beynəlxalq Muğam Mərkəzi Azərbaycan milli musiqisinin təbliğinə həsr olunmuş bir neçə layihə həyata keçirir ki, onlardan biri də “Muğamat axşamı” adlı konsert layihədir. Muğam sənətimizin fəlsəfəsini gələcək nəsillərə çatdırmaq məqsədilə reallaşan layihəyə tamaşaçılar böyük maraq göstərməkdədir. “Muğamat axşamı” və “Muğam dəstgahları” konsertləri 2025-ci ildən ayda iki dəfə olmaqla muğamsevərlərin görüşünə gələcək.