Düzgün seçildiyi halda suşi axşam yeməyi üçün münasib seçim ola bilər.

Baki-baku.az-ın məlumatına görə, mütəxəssislər hesab edir ki, burada əsas məqam porsiyanın ölçüsü və tərkibdir.

Axşam vaxtı ən yaxşı seçimlərdən biri balıq əsaslı suşilərdir — məsələn, ton balığı, qızılbalıq və ya ilanbalığı ilə hazırlanan növlər, eləcə də saşimi. Balıq zülalı uzun müddət toxluq hissi yaradır və qan şəkərinin stabilləşməsinə kömək edir.

Bununla belə, çoxlu düyü ilə hazırlanan suşidən çəkinmək məsləhətdir. Çünki düyü bişirildikdə onun qlisemik indeksi artır və bu da qanda şəkərin sürətlə yüksəlməsinə səbəb ola bilər. Daha uyğun variant isə xosomaki – yəni az miqdarda düyü ilə hazırlanan kiçik suşilər, həmçinin tərəvəzlərlə olan yüngül çeşidlərdir.

Soyuq souslar məsələsində də diqqətli olmaq lazımdır. Soya sousu yüksək miqdarda duz, marinadlanmış zəncəfil isə şəkər ehtiva edir. Onların həddindən artıq istifadəsi orqanizm üçün arzuolunmazdır. Çox vaxt sevilən zapekanka üsulu ilə bişirilmiş suşilər, habelə pendir və müxtəlif souslarla zənginləşdirilmiş variantlar isə kalorini xeyli artırır və axşam yeməyi üçün uyğun hesab edilmir.

Optimal porsiya olaraq 6–8 ədəd kiçik suşi qəbul edilir ki, bu da təxminən 200–250 qram arasında dəyişir. Axşam yeməyi isə yuxuya getmədən təqribən iki saat əvvəl olmalıdır ki, həzm prosesi normal davam etsin və yuxu keyfiyyəti pozulmasın.

Beləliklə, düzgün seçilmiş suşilər həm sağlamlıq, həm də bədən quruluşuna ziyan vurmadan axşam menyusunun bir hissəsi ola bilər.