İtaliyalı Formula-2 pilotu Leonardo Fornaroli hazırda 2026-cı il Formula-1 mövsümü üçün ehtiyat sürücü rolu barədə Formula-1 komandaları ilə danışıqlar aparır.
Baki-baku.az xəbər verir ki, bu barədə “GPblog” məlumat yayıb.
Məlumata görə, bu vəziyyətdə ən məntiqli seçim “Audi” və ya “Cadillac” komandası ilə əməkdaşlıq etməkdir.
Leonardo isə inkişaf pilotu və ehtiyat sürücü kimi bir komandaya qoşulmağı, daha sonra isə 2027-ci ildə start heyətə özünə əsas yer təmin etməyi planlaşdırır.
Xatırladaq ki, Fornaroli Formula-3-ün hazırkı çempionu və Formula-2 çempionatının lideridir. Maraqlıdır ki, o, Formula-3-də bircə dəfə də qalib gəlmədən titul qazanıb.
