Adətən ölkələrin kimliyini və siyasi həyatını müəyyən edən əsas məkan paytaxt şəhəridir. Paytaxt təkcə idarəetmə mərkəzi deyil, həm də ölkənin simvolu və vizit kartı sayılır. Lakin bu ümumi qaydanın istisnası da var.
Baki-baku.az xəbər verir ki, Sakit okeanın cənubunda yerləşən Nauru adlı kiçik ada dövləti rəsmi paytaxtı olmayan yeganə ölkələrdəndir. Burada dövlət idarələri və parlament Yaren rayonunda yerləşir. Təxminən min nəfərin yaşadığı bu məntəqə faktiki olaraq ölkənin siyasi mərkəzi rolunu oynayır.
Ümumi əhalisi cəmi 12 min nəfər olan Nauru uzun illər fosfat yataqları ilə tanınıb. Lakin bu resursların tükənməsi ilə ölkə iqtisadi çətinliklər yaşayır. Bununla belə, Nauru həm paytaxtsız dövlət olması, həm də özünəməxsus tarixi ilə dünyanın ən maraqlı ölkələrindən biri hesab edilir.
