Dünyanın 9-cu raketi, italyan tennisçi Lorenzo Musetti Çində (Çendu) keçirilən ATP-250 kateqoriyalı turnirin finalında çilili Alexandro Tabiloya məğlub olduqdan sonra göz yaşlarını saxlaya bilməyib.
Baki-baku.az-ın məlumatına görə, Musetti Tabiloya 3:6, 6:2, 6:7 (5:7) hesabı ilə uduzub.
Sonuncu setdə Lorenzo iki matçbol imkanını əldən verib, tay-breykdə isə 4:1 öndə olsa da üstünlüyünü qoruya bilməyib.
Musetti üçün bu, ATP finalında ardıcıl beşinci məğlubiyyətdir. İtaliyalı sonuncu dəfə finalda uğur qazanaraq 2022-ci ilin oktyabrında Neapol turnirinin çempionu olmuşdu.
23 yaşlı Musettinin karyerasında ümumilikdə iki ATP tək oyun titulu var – hər ikisi 2022-ci ildə Neapol və Hamburqda qazanılıb.
