Əsnək insan orqanizminin ən sirli reflekslərindən biridir. Alimlər onilliklər ərzində bunun səbəbini araşdırırlar: bəziləri hesab edir ki, bu yolla beyin sərinləyir, digərləri isə oksigen çatışmazlığı ilə izah edirlər.

Baki-baku.az xəbər verir ki, dəqiq cavab hələ tapılmasa da, bir fakt artıq məlumdur: əsnək həqiqətən də yoluxucudur! Əsnəyən birini görmək və ya səsini eşitmək kifayətdir ki, sizin də əsnəmə ehtimalınız kəskin artsın. Üstəlik, bu effekt telefon danışığı zamanı da işləyir.

Əsnək fenomeni yalnız insanlarla məhdudlaşmır. Əsnəməni “zəncirvari reaksiya” kimi şimpanzelərdə, pişiklərdə, itlərdə, quşlarda və hətta sürünənlərdə də müşahidə ediblər. Bu isə o deməkdir ki, əsnək sadəcə darıxdırıcı mühitdən və ya yorğunluqdan əmələ gəlmir. Bu, həm də insanları bir-birilə və həmçinin heyvanlar aləmi ilə bağlayan müəmmalı sosial siqnaldır.
Yoxlamaq istəyirsiniz? Bu mətni oxumağınız kifayətdir… və çox güman ki, artıq siz də əsnəyirsiniz.