Moskvanın CSKA komandasının futbolçusu Qabriyel Abudi Onqene Rusiya Federasiyasının vətəndaşı olub.
Baki-baku.az xəbər verir ki, müvafiq sərəncam prezident Vladimir Putin tərəfindən imzalanıb.
Bununla da futbolçu qadınlar arasında keçirilən superliqa oyunlarında legioner hesab edilməyəcək.
Xatırladaq ki, 2022-ci ilin fevralında FİFA və UEFA Rusiya yığmasını və rus klublarını öz bayraqları altında təşkil edilən bütün turnirlərdən kənarlaşdırıb. Nəticədə Rusiya klubları Çempionlar Liqası, Avropa Liqası və Konfrans Liqasında çıxış edə bilmir. Kişilərdən ibarət Rusiya millisi isə 2022-ci il dünya çempionatına seçmə mərhələdən kənarlaşdırılıb. Bundan başqa, rus futbolçular 2024-cü il Avropa çempionatında iştirak etməyiblər və ABŞ, Meksika və Kanadada keçiriləcək 2026-cı il dünya çempionatının püşkatmasında da iştirak hüququndan məhrum ediliblər.
