Ölkəmizdə böyük marağa səbəb olan “Formula-1” yarışları Azərbaycanda 2030-cu ilə qədər keçiriləcək.
Baki-baku.az xəbər verir ki, bu barədə yarışların rəsmi saytında məlumat paylaşılıb.
Qeyd olunub ki, Azərbaycan Qran-prisi, razılaşmaya əsasən, daha dörd il “Formula-1” təqvimində yer alacaq.
Razılaşmanı Azərbaycanın gənclər və idman naziri Fərid Qayıbov, “Formula-1″in prezidenti Stefano Domenikali və Bakı Şəhər Halqası Əməliyyat Şirkətinin icraçı direktoru Maqsud Fərzullayev imzalayıblar.
Xatırladaq ki, daha öncəki razılaşmaya əsasən, ən son yarışın 2026-cı ildə keçirilməsi nəzərdə tutulurdu.
