“İçərişəhərin küçələri insana tarixin əzəmətini hiss etdirir”.

Bu fikirləri Yaponiyanın ölkəmizdəki fövqəladə və səlahiyyətli səfiri Katsuya Vatanabe Baki-baku.az-a müsahibə verərkən bildirib.

Diplomat paytaxtımızın tarixi dəyərinə toxunub:

“Bakıda UNESCO-nun Ümumdünya İrsi Siyahısına daxil edilmiş İçərişəhər, möhtəşəm binalar, çoxsaylı tarixi abidələr mövcuddur və məncə, bu şəhər çox yüksək tarixi dəyərə malikdir. İçərişəhərin küçələri insana tarixin əzəmətini hiss etdirir, digər tərəfdən isə ucalan zərif müasir binalar ilə olan kontrast güclü təəssürat yaradır. Bakının memarlığı keçmişlə gələcəyin bir arada mövcud olduğu bir şəhərin simvoludur və hesab edirəm ki, Azərbaycanın qürur mənbəyi olan bu irsi gələcək nəsillərə ötürmək çox vacibdir”.

Qeyd edək ki, müsahibənin geniş variantı sabah təqdim olunacaq

Hacı Cavadov