Bakıda əhalinin 60,9 %-I binaların zirzəmisində tullantı və kanalizasiya sularının yığılmadığını deyir.
Baki-baku.az Sosial Tədqiqatlar Mərkəzinə istinadla xəbər verir ki, əhalinin 33,3 %-i zirzəmidə çirkli suların olduğunu bildirib. 5,8 %-I isə buna cavab verməkdə çətinlik çəkib.
Qeyd edək ki, Mərkəzin keçirdiyi sorğu Bakı şəhərinin bütün inzibati rayonlarını əhatə edib. Sorğu iştirakçılarının 41.9 %-i şəhərdə, 53.1 %-i qəsəbədə və 5 %-i kənddə məskunlaşdığını qeyd edib. Həmçinin sorğunun nəticələrinə əsasən, sakinlərin 45.6 %-i bina evində (o cümlədən, 11.5 %-i yeni tikili, 34.1 %-i köhnə tikili), 54.4 %-i həyət evində yaşayır.
Sorğular 30 iyul-4 avqustda 390 ev təsərrüfatı arasında kompüter dəstəkli telefonla müsahibə üsulundan (CATI) istifadə olunmaqla keçirilib.