Bu gün Vaşinqtonda ABŞ Prezidenti Donald Trampın Azərbaycan və Ermənistan liderləri İlham Əliyev və Nikol Paşinyanla görüşü keçiriləcək.
Baki-baku.az portalı xəbər verir ki, ilk olaraq Trampın Bakı vaxtı ilə 22:30-da N.Paşinyanla, 23:20-də isə Azərbaycan Respublikasının Prezidenti İlham Əliyevlə görüş keçirəcəyi planlaşdırılır.
Gecə yarısı isə üç lider birgə bəyanat verəcək.
Bu tarixi görüş zamanı Azərbaycan və Ermənistan arasında sülh müqaviləsinin mətninin paraflanacağı gözlənilir.
Bununla yanaşı, görüş çərçivəsində ABŞ hər iki ölkə ilə ikitərəfli sazişlər də bağlayacaq.
