Necə oldu ki, Yer kürəsinin bir hissəsi buludların sayəsində Rekordlar Kitabına düşdü?..

Təxminən 9 ay ərzində bir gün, bir saat belə dayanmadan yağan yağış təsəvvür edin. Bu, təbii fəlakətdən bəhs edən bir filmin ssenarisi deyil, Kauai adasında (Havay adalarından biri) qeydə alınmış real hadisədir.

Baki-baku.az nəşri Ginnesin Rekordlar Kitabında öz əksini tapmış məlumata əsasən xəbər verir ki, planetimizdə qeydə alınmış ən uzunmüddətli yağış 247 gün davam edib.

Haqqında sözügedən təbiət hadisəsi 1993-cü ilin 27 avqustunda başlayıb və növbəti ilin 30 aprelinə kimi fasiləsiz olaraq davam edib.

Rekord yağışlar Kauai adasının Vaialeale adlanan dağlıq ərazisində qeydə alınıb, hansı ki, adı çəkilən ərazidə illik 11 min mm-dən çox yağıntı düşür.