Romalılar niyə artıq yeməkləri mozaika ilə döşəməyə düzürdülər?

İlk baxışda natəmizlik, əslində isə dəbdəbə və mistika. Bəzi zadəgan romalılar evlərinin döşəmələrini mozaikalarla bəzəyirdilər, lakin bu mozaikalar qeyri-adi idi: balıq sümükləri, meyvə qabıqları, yarımçıq yeməklər, qalıqlar təsvir olunurdu. Bəs niyə?

Baki-baku.az saytının məlumatına görə, bu cür bəzəklərlə ev sahibinin yüksək statusu vurğulanırdı – o, özünə nadir təamlarla dolu ziyafətlər keçirməyi rahatlıqla rəva görə bilirdi.

Lakin arxeoloqların başqa bir izahı da var: bu cür təsvirlər qədim bir inancı əks etdirə bilərdi – inanılırdı ki, yemək qalıqlarını dərhal yığışdırmaq olmaz, onları ölülərin ruhlarına bir növ qurban kimi saxlayardılar. Beləcə, zibil əbədiyyətin bir parçasına çevrilirdi.

Hacı Cavadov