Helen Kellerin dünyanı heyrətə gətirməsindən xeyli əvvəl daha bir qeyri-adi hekayə vardı. Bu, Lora Bridcmenin hekayəsidir. O, tarixdə ilk təhsil almış görmə və eşitmə məhdudiyyətli qadın olub.
Baki-baku.az xəbər verir ki, Lora 1829-cu ildə ABŞ-də anadan olub. İki yaşında olarkən keçirdiyi skarlatina xəstəliyi nəticəsində görmə, eşitmə, qoxu və dadbilmə hisslərini itirib. Yeganə qalan duyğu — toxunma idi. Bu, onun xarici dünya ilə yeganə əlaqəsi idi. O, tam hiss blokadasında, səssiz və vizual olaraq qapalı bir dünyada yaşayırdı. Ancaq məhz Lora sübut etdi ki, tam qaranlıqda belə insan ağlının işığını yandırmaq mümkündür.
1837-ci ildə Boston Şəhərindəki Korlar Məktəbinin direktoru doktor Samuel Hau mümkün olmayan bir məqsəd qarşısında dayandı — Loranı öyrətmək. Əvvəlcə əşyaların üzərinə yazılmış kağız etiketlər, sonra isə toxunaraq tanınan hərflər. Lora başa düşdü ki, hər bir əşyanın adı var və bu, onun üçün dil qapısını açdı. Qısa müddət sonra riyazi məsələləri həll edir, fəlsəfə və astronomiyanı öyrənir, barmaq əlifbası ilə ünsiyyət qururdu.
Onun heyrətamiz uğuru Çarlz Dikkensi belə valeh etmişdi. Daha sonra bu hekayə Helen Kellerin valideynlərini də ruhlandırmışdı. Ancaq ilk addımı məhz Lora Bridcmen atmışdı. O, sübut etdi ki, zəka duyğulardan asılı deyil.
Bridcmenin hekayəsi insan ruhunun və elmi cəsarətin təntənəsidir. O, sensor qəbul etmənin unudulmuş inqilabçısıdır.

Əbülfəz Babazadə