Azərbaycan Dövlət Akademik Rus Dram Teatrı ilk dəfə olaraq martın 20-dən 27-dək Mogilevdə (Belarus) keçirilən “[email protected]” Beynəlxalq Gənclər Teatr Forumunda iştirak edib.
Baki-baku.az xəbər verir ki, tamaşaçılara teatrın baş rejissoru, Azərbaycanın Xalq artisti Aleksandr Şarovskinin “Kresloda oturan kişiyə məhəbbət məzəmməti” tamaşası təqdim olunub. Baş rolu Azərbaycanın Xalq artisti Natalya Şarovskaya ifa edib. Tamaşa tamaşaçıların gurultulu alqışları ilə başa çatıb.
Teatrın direktor müavini, Əməkdar mədəniyyət işçisi İlham Məmmədov genişmiqyaslı festivalın təşkilatçılarına minnətdarlığını bildirib, Mogilev vilayət icraiyyə komitəsinin mədəniyyət şöbəsinin müdiri Aleksandr Jiqunun rolunu qeyd edib və göstərdiyi dəstəyə görə Azərbaycan Mədəniyyət Nazirliyinə təşəkkür edib.
