Amerika Kino Sənəti və Elmləri Akademiyasının İdarə Heyəti “Oskar” mükafatı çərçivəsində yeni nominasiya təqdim edir. Bu nominasiya kaskadyor fəndlərinin qurulması sahəsində nailiyyətlərə görə veriləcək.
Baki-baku.az xəbər verir ki, bu barədə akademiya bəyanat yayıb.
Fəndlərin qurulması sahəsində nailiyyətlərə görə “Oskar” mükafatı 2027-ci ildə buraxılan filmlərə, 100-cü mükafatlandırma mərasimindən başlayaraq təqdim ediləcək. İştirak və səsvermə qaydaları daha sonra elan ediləcək.
Bildirilir ki, kaskadyorlar illərdir onlar üçün ayrıca nominasiyanın yaradılmasını təbliğ edirdilər.
Hazırda fənd qurucuları “Oskar” çərçivəsində xüsusi mükafatlarla təltif olunurlar.
