“Who What Wear” nəşrinin moda redaktorları 2025-ci ilin yay mövsümünün əsas trendlərini açıqlayıblar.
Baki-baku.az bildirir ki, nəşrdə şərhçilər toz-çəhrayı rəngi ən aktual rəng kimi qeyd ediblər, dama və çiçək naxışları isə əsas bəzəklər hesab olunub. Bundan başqa, 1980-ci illərdə xüsusilə məşhur olan yarımşəffaf tüldən hazırlanmış geyimlər, fənər qollu paltarlar və irihəcmli ətəklərə tələbatın artdığı bildirilib. Həmçinin, həvəskarlara parlaq çantaları nəzərdən keçirmək tövsiyə olunub.
Baza qarderobuna gəldikdə isə, ağ maykalar və kostyumlar trend olaraq qalmaqdadır. Bu mövsümdə dikdaban ayaqqabılar da ön plana çıxır.
Eyni zamanda idman geyimləri ilə bayram və gündəlik qarderob elementlərini birləşdirən dəniz üslubu və idman dəbi də aktual trendlər sırasındadır.
