Türkiyənin Afyonqarahisar şəhərində bişirilən kolbasalı yumurta “Ginnesin Rekordlar Kitabı”na düşüb.
Baki-baku.az əbər verir ki, bununla bağlı Türkiyə KİV məlumat yayıb.
Bildirilib ki, 25 kvadratmetrlik tavada 30 aşpaz tərəfindən bişirilən kolbasalı yumurta üçün 1 ton kolbasa və 15 min yumurta istifadə olunub.
Yemək “Ginnesin Dünya Rekordları” komissiyasının nümayəndəsi Şeyda Subaşı Gemicinin nəzarəti altında bişirilib.
O bildirib ki, dünyanın ən böyük kolbasalı yumurta rekordunu qıra bilmək üçün Ginnes tərəfindən təyin olunan minimum çəki 1000 kiloqram olub: “Bu gün ölçdüyümüz sucuqlu yumurtanın çəkisi 1930 kiloqram olaraq müəyyən edilib. Böyük sevinclə “Ginnesin Dünya Rekord”unu elan edirəm”.
