Bakının Xətai rayonunda içməli su borusu partlayıb.
Baki-baku.az xəbər verir ki, 8 Noyabr prospektində, Xəzər TV-nin yaxınlığında baş verən hadisə nəticəsində təzyiqli su küçəyə axır. Bu da həm piyadaların, həm də avtomobillərin hərəkətinə maneə törədir.
Hadisə ilə bağlı sorğuya cavab olaraq İri Şəhərlərin Birləşmiş Su Təchizatı Xidmətindən bildirilib ki, Xətai rayonu, NZS qəsəbəsi ərazisindən keçən içməli su xəttində qəza baş verib. Hazırda qəza müvafiq Rayon Sukanal İdarəsinin əməkdaşları tərəfindən aradan qaldırılmaqdadır.
