Onlar havada pərvazlanır, çiçəklərin üzərində vızıldayıb uçuçur və sanki təbiəti daim müşayiət edirlər. Son iyirmi ildə isə Kolorado çöllərində uçan həşəratların dəhşətli şəkildə yoxa çıxması müşahidə edilir – onların sayı 72 % azalıb.

Baki-baku.az xəbər verir ki, ciddi təlaş hissi yaradan məqam ondan ibarətdir ki, azalma demək olar ki, insan ayağı dəyməyən uzaq bölgələrdə də qeydə alınır.

Ekosistemlər üçün bu, həqiqi zərbədir: həşəratlar sadəcə xırda canlılar deyil, onlar həm tozlandırıcılar, həm təbiətdə təmizlik işləri aparanlar, həm də qida zəncirinin əsas hissəsini təşkil edirlər. Həşəratların yoxa çıxması biomüxtəlifliyin zəifləməsi, quşlar və heyvanlar üçün aclıq, eləcə də kənd təsərrüfatı üçün risk deməkdir. Alimlər xəbərdarlıq edirlər: əgər bu hal davam etsə, biz elə bir görünməz ekoloji fəlakətin şahidi ola bilərik ki, iqlim böhranlarından daha sürətli şəkildə planeti dəyişdirə bilər.