“Xicoia Studio” rəqəmsal texnologiyalar sahəsində mühüm addım ataraq, ilk süni intellektlə yaradılmış aktrisa Tilli Norvudu təqdim edib.

Baki-baku.az “Deadline”a istinadən xəbər verir ki, bu yenilik real aktyorlar arasında narazılıq doğurub. Onlar süni aktrisanın film sənayesində yer almasına etiraz edərək, Tilli Norvudu işə götürən şirkətləri boykot etməyə çağırıblar.

Buna cavab olaraq, “Xicoia Studio”dan bildirilib ki, bəzi aktyorlar Norvudun reputasiyasına zərər vurmağa çalışır və bu, rəqəmsal yaradıcı texnologiyaların inkişafına qarşı qərəzli mövqenin göstəricisidir.

Yeni dövrün rəqəmsal ulduzu kimi təqdim olunan Tilli Norvudun kino sənayesində necə qarşılanacağı və bu gərginliyin hara gedəcəyi isə maraqla gözlənilir.