Bütün faydalı xüsusiyyətlərinə baxmayaraq, şokoladın desert olduğunu və əsas qida olmadığını unutmamaq vacibdir. Onun tərkibində çox miqdarda karbohidrat (əsasən şəkər, 100 qramda 50 qrama qədər) və yağ (30-35 qram) var. Gündə 20-30 qramdan çox şokolad istehlak etmək tövsiyə edilmir.
Baki-Baku.az bu barədə İzvestiya.ru-ya istinadən xəbər verir.
Rusiyalı endokrinoloq Yelena Ostrovskaya bildirib ki, şokoladın faydası kakao paxlalarının tərkibində olması ilə əsaslandırılır. Onlar oksidativ stressi azaldan antioksidantlar olan çoxlu polifenollar ehtiva edir. Onlarda həmçinin mərkəzi sinir sisteminin sağlamlığı üçün vacib olan demək olar ki, bütün B qrupu vitaminləri, xüsusilə B2, B1 və B6 var.
“Kakao paxlalarının tərkibində manqan, mis, dəmir, kalium və selen kimi faydalı mikroelementlər, həmçinin triptofan və treonin aminturşuları var. Treonin maqneziumla birləşir, nəticədə maqnezium treonat (orqanizm tərəfindən asanlıqla mənimsənilən maqnezium forması) əmələ gəlir. Bu element koqnitiv qabiliyyətlərimizi yaxşılaşdırır və stresslə mübarizədə kömək edir. Kakao paxlalarında bağırsaq mikrobiotasının qidalanması üçün lazım olan prebiotik liflər və sellüloz var”, – deyə mütəxəssis izah edib.
Həkim əlavə edib ki, şokoladın növünü düzdün seçmək vacibdir. Şokoladda nə qədər çox kakao varsa, bir o qədər faydalıdır. Acı (75% kakaodan çox) və ya tünd (45% kakaodan çox) şokolad istehlak etmək daha yaxşıdır. Südlü şokoladda kakao daha azdır, ağ şokoladda demək olar ki, yoxdur (onun istehsalı üçün adətən üyüdülmüş paxla deyil, kakao yağından istifadə olunur).
Həkim xəbərdarlıq edib ki, ilk növbədə şokolad şəkərli diabet xəstələri üçün, tərkibində şəkər olduğu təqdirdə, və piylənmədən əziyyət çəkənlər üçün diabet riski və desertin kaloriliyi səbəbindən məhdudlaşdırılmalıdır.
“Kakao paxlalarına allergiya olduqda desertdən tamamilə imtina etmək lazımdır. Həmçinin məhsulun tərkibinə diqqət yetirmək vacibdir. Hətta şokoladın özünə allergiya olmasa belə, lövhədə allergiklər üçün təhlükəli əlavələr (meyvələr və giləmeyvələr, ədviyyatlar, qoz-fındıq və s. ola bilər”, – deyə Ostrovskaya bildirib.
