PODKASTLAR
“BakıBaku” podkastı qonaqlarla Bakının gündəlik həyatına, mədəniyyətinə, inkişafına və gələcəyinə dair maraqlı müzakirələr aparır. Burada Bakının dünənindən bu gününə qədərki dəyişikliklər, şəhərin insanları və dinamikası, həmçinin gələcək perspektivlər müzakirə olunur. Podkastımızda, təkcə tarixi hadisələr və mədəni irs deyil, eyni zamanda sakinləri maraqlandıran mövzular, yeniliklər və sosial dəyişikliklər də təhlil edilir.
Nəzakət İsayeva: “Azərbaycanın Qırmızı Kitabına düşmüş nadir heyvanların zooparkda çoxaldılması və daha sonra təbii areallarına buraxılması bizim əsas məqsədlərimizdəndir.”
BakıBaku podcastının yeni buraxılışı Bakı Zooloji Parkında fərqli bir formatda keçdi. Qonağımız, parkın icraçı direktoru Nəzakət İsayeva ilə təbiətdə maraqlı bir söhbət etdik. Müsahibə zamanı heyvanların gündəlik rejimindən və qida rasionundan bəhs etdik, ziyarətçilərin davranışlarına dair tövsiyələri müzakirə etdik və inkişaf etməkdə olan interaktiv xidmətlər barədə maraqlı məlumatlar aldıq.
Bu səfər podkastımızın qonağı İlya Məmmədova oldu. Abşeronda yay istirahəti, uşaqlıq xatirələri, ailəvi naharlar, ənənələr və daha nələr… Bir sözlə, gözəl söhbət etdik.
Siz də baxın, nostalji hissi yaşayın və rəylərinizi bildirin!
Bu buraxılışda tanınmış fotoqraf Reza Deghati Bakı haqqında unudulmaz xatirələrini paylaşır. O, şəhərin transformasiyası, zəngin ziyalı irsi və 1990-cı il 20 Yanvar hadisələrini lentə alarkən yaşadığı unudulmaz təcrübələri xatırlayır. Reza, ikonok fotolarının arxasındakı hekayələri və fərqli rakurslardan Bakını necə gördüyünü bizimlə bölüşür.
