Səhərlər gözlərimizi açanda bəzən bütün günü düşündüyümüz, ya da reallıqla heç bir əlaqəsi olmayan qəribə hadisələrin içində olduğumuzu xatırlayırıq.
Baki-baku.az xəbər verir ki, yuxu görməyimizlə bağlı araşdırmalar beynimiz yatarkən belə tamamilə istirahət etmədiyini göstərir. Əksinə, REM (Rapid Eye Movement – Sürətli Göz Hərəkətləri-red.) adlanan bir yuxu fazasında beyin aktivləşir və bu zaman insanların əksəriyyəti yuxu görür.
REM yuxusu zamanı beyin bir növ “xəyali teatr” qurur – burada aktyor da, rejissor da, tamaşaçı da eyni anda biz özümüz oluruq.
Nevroloqlar yuxuların bir neçə funksiyası ola biləcəyini iddia edirlər.
Əslində hamımız yuxu görürük, lakin hər zaman onu xatırlamırıq. Yuxunu yadda saxlamaq üçün bir neçə saniyəlik oyanma anı vacibdir. Əgər bu an baş vermirsə, yuxu yaddaşdan silinir. Həmçinin stress, yuxusuzluq və bəzi dərmanlar yuxuları xatırlama qabiliyyətimizi azalda bilər.
Orta hesabla insan ömrünün təxminən 6 ili yuxu görməkdə keçir.
Körpələr böyüklərə nisbətən daha çox yuxu görür – bu da beynin inkişafı ilə əlaqələndirilir.
Əsrlərdir insanlar yuxulara mənalar verirlər. Müxtəlif mədəniyyətlərdə yuxular bəzən xəbərdarlıq, bəzən mesaj, bəzən isə gələcəyin açarı kimi qəbul olunub. Elmi baxımdan isə bu şərhlər subyektivdir.
Yuxular insan zehninin hələ də tam açılmamış sirlərindən biridir. Elm bu mövzuda irəliləsə də, hər bir yuxu fərdidir – bəlkə də buna görə onlar bu qədər maraqlıdır.