Mərkəzi Nəbatat Bağının əməkdaşlarının iştirakı ilə Bağın giriş kompleksində təmizlik-abadlıq, landşaft dizaynının yaxşılaşdırılması, bitkilərin böyüməsi və inkişafını təmin etmək məqsədilə iməcilik keçirilib. İməcilik zamanı kalistamon, maqnoliya, fitasporum, kalina və s. dekorativ bitkilər budanıb, sərv ağaclarının dibləri yumşaldılıb, xüsusi dizaynda əkilmiş qazonlar suvarılıb, eyni zamanda yapon birgözü, obeliya, dəfnəyarpaq başınağacı, dişli fotiniya kimi bitkilərin isə kök sisteminin güclənməsi və daha yaxşı inkişaf etməsi üçün dibləri bellənərək torpaq çürüntüsü verilib. Həmçinin, leylandi sərv ağacları budanaraq canlı çəpər yaradılması məqsədilə formaya salınıb.
Qeyd edək ki, iməcilik tədbirlərinin həyata keçirilməsi sistemli şəkildə müntəzəm olaraq davam etdiriləcəkdir.
