Madridin “Real” klubunun və Fransa millisinin hücumçusu Kilian Mbappe böyük pulların yaratdığı çətinliklərdən danışıb.

Baki-baku.az xəbər verir ki, onun sözlərini “RMC Sport” yayıb.

“İnsanın pulu artdıqca problemləri də çoxalır. Bəzi insanlar sənin həyatındakı dəyişiklikləri görmür. Bu isə yaxınlarla münasibətlərdə soyuqluq yaradır və əlaqələrin qırılmasına səbəb olur”, – deyə futbolçu bildirib.

Qeyd edək ki, Transfermarkt portalının məlumatına görə, Mbappe hazırda dünyanın ən bahalı futbolçularından biridir və onun dəyəri 180 milyon avro olaraq qiymətləndirilir.

Fransalı forvard 2024-cü ilin yayında “Real”a transfer olunub. Bundan əvvəl isə o, 2017-ci ildən PSJ-nin heyətində çıxış edib.