İtaliyalı konseptual rəssam Maurisio Kattelanın əsəri – divara lentlə yapışdırılmış banan 6,2 milyon dollara satılıb.
Baki-Baku.az bu barədə “Sotheby’s” hərrac evinin “X” sosial şəbəkəsindəki səhifəsinə istinadən xəbər verir.
Məlumata görə, əsər Çindən olan kolleksiyaçı, TRON blokçeyn platformasının yaradıcısı Castin San tərəfindən alınıb.
“Mən indicə banan aldığımı elan etməkdən həyəcanlıyam. Bu, adi sənət əsəri deyil. Bu, incəsənət, memlər və kriptovalyuta cəmiyyətini əhatə edən mədəni fenomendir. Mən yaxın günlərdə bananı yeyəcəyəm və bu, unikal bədii təcrübənin bir hissəsi olacaq”, – Castin San “X” hesabında yazıb.