Bir neçə gün əvvəl Suraxanı rayonu, Hövsan qəsəbəsində M.Bayramov adına 196 nömrəli tam orta məktəbin yaxınlığında su borusundan sızma ilə bağlı sosial şəbəkələrdə görüntülər yayılmışdı.
Hadisə ilə əlaqədar Baki-baku.az-ın sorğusuna cavab olaraq İri Şəhərlərin Birləşmiş Su Təchizatı Xidmətindən məlumat verilib ki, qeyd olunan ünvanda su xəttində baş verən qəza aradan qaldırılıb.
Bildirilib ki, müvafiq rayon sukanal idarəsinin qəza briqadası tərəfindən təmir işləri həyata keçirildikdən sonra borunun fəaliyyəti bərpa edilib.