Bakıda avtomobil tunelinə suyun axması səbəbi məlum olub.
Baki-baku.az-ın sorğusuna cavab olaraq Azərbaycan Dövlət Su Ehtiyatları Agentliyindən bildirilib ki, Alı Mustafayev küçəsi, Rəşid Məmmədov küçəsi, Əbdülvahab Salamzadə küçəsi, Ziya Bünyadov prospektinin kəsişməsindəki yol qovşağının üzərindən keçən 100 milli metrlik su xəttində sızma müşahidə olunur.
Qeyd edilib ki, sızma avtomobil tunelinə, yəni aşağı istiqamətə axıntı verdiyi üçün sızmanın dəqiq yerini təyin etmək mümkün deyil. Bu səbəbdən mövcud xətt dəyişdirilir. Hazırda xəttin yenilənməsi işləri aparılır. Xətt quraşdırılıb və xətlərin birləşdirilməsi ilə bağlı işlər görülür.
