Noyabrın 25-dən “Azərbaycan Dəmir Yolları” QSC COP29-la əlaqədar Bakı-Sumqayıt sürət elektrik qatarlarının müvəqqəti ləğv edilmiş reyslərini bərpa edəcək.
Baki-Baku.az bu barədə “Azərbaycan Dəmir Yolları” QSC-nin yaydığı məlumata istinadən xəbər verir.
Məlumata görə, Bakı-Xırdalan-Sumqayıt-Bakı marşrutu üzrə qatarların hərəkəti 16 sentyabr 2024-cü il tarixində tətbiq olunan qrafikə uyğun təşkil ediləcək.
Belə ki, Bakı-Xırdalan-Sumqayıt-Bakı istiqaməti üzrə:
- Bakıdan saat 08:10, 17:50 və 19:05,
- Sumqayıtdan saat 07:20,
- Xırdalandan isə saat 08:40 və saat 18:20 reysləri bərpa edilir.
